2024 оны Англи хичээлийн элсэлтийн шалгалтыг Улаанбаатар хотын хэмжээнд 12351 суралцагч өгсөн ба хамгийн дээд анхны оноо 87-100 авсан нийт 11 суралцагч 800 оноо авсан байна.
Дундаж дүн:
Оргил сургуулийн хувьд энэ жилийн төгсөгчдийн хэмжээст онооны дундаж 625 байна. Энэ жилийн хувьд тус хичээлийн Улаанбаатар хотын дундаж хэмжээст оноо урьдчилсан байдлаар 510 байгаа юм.
Дээд оноо:
Оргил сургуулийн 2024 оны төгсөгч Д.Маралмаа анхны оноо 78, хэмжээст оноо 677 авч Улаанбаатар хотын хэмжээнд эхний 594 дүгээр байрт эрэмбэлэгдэж нийт шалгуулагчдын топ 4,81%-д багтсан байна.
Дүйцүүлсэн үнэлгээ:
Энэ хичээлийн жилийн хувьд Оргил сургууль анхны 800 оноог авсан амжилтаар 20 жилийн ойдоо бэлэг барьлаа. IELTS 8.0 оноогоор 800 оноо авсан 2024 оны төгсөгч Б.Удвал 800, IELTS 7.5 оноогоор 800 авсан О.Содноров 800, IELTS 6.5 оноогоор 699 оноо авсан Г.Найманмарал нартаа онцгойлон баяр хүргэе.
Мөн нийт 14 суралцагч Англи хэлний шалгалт өгснөөс 9 нь 600-с дээш оноотой шалгагдлаа.
Англи хэлний хичээлийн шалгалтад бэлтгэсэн анги удирдсан багш Г.Ганбилэг, нийт амжилттай шалгагдсан хайрт хүүхдүүдэдээ болон тэдний эцэг эх асран хамгаалагчдад нь Оргил сургуулийн үүсгэн байгуулагчид, нийт хамт олны өмнөөс баяр хүргэж, хамгийн сайн сайхан бүхнийг хүсэн ерөөе.
